Eng ni lo mah ila, saptawng hi han telh ve thlazen ila, pâwl sâng tak zir pawh kan ang ve mahna!!
Hla thlûk nei chi hi engzât mah ka la phuah ve lo pek a, mi phuah sa erawh ka phuah ni zâwk se tih eng emaw zât ka nei tawh thung. Ka phuah ni zâwk atâna ka ît tam tak zînga a chung bera awm chu ‘Aw Lal Pathian, i kutchhuak thilsiam tinrêng,’ tih hi a ni. Kei chauh lo pawh nalh titu an tam a ni ang, kum 1974 April thlaa Christian Herald chanchinbuin poll a buatsaihah pawh he hla hi America rama Pathian fakna hla tha berah an thlang tlat!
A phuahtu hi Swedish pastor, Rev. Carl Boberg-a a ni a, tuna saptawnga kan hmuh anga let chhuaktu hi Rev. Stuart H.Kine a ni tih kan hre fo bawk.
He hla hi kum 1950 chho atang khân saptawnga sak lar tan a ni a, heti taka sa lartu chu Billy Graham Evangelistic Team-a mi, George Beverly Shea (Isua neih ka duh zawk tih phuahtu) leh James Caldwell te an ni.
America rama sa lartu hmasa zâwk chu Caldwell hi a ni nghe nghe a, kum 1951 khân Long Island-ah a lo sa vang vang tawh a. A hnuah Billy Graham-a team hian nasa taka vawrh larin Shea leh Cliff Barrows ten an sa ta thin a ni.
A phuahtu, Rev. Boberg-a hi pastor a nih bâkah Sanningsvittnet chanchinbu enkawltu a ni a. Kum 1886 khân tum khat chu, a bial fanna lamah pawh a ni mai thei, Sweden chhimchhak lam vaukam a hrût kual a. Ni khat chu chhûn pachangah ruahin a chhu hrep mai a, tek a tla de chuai chuai a, ‘ni a lang leh ang’ tih rinhlelhawm hial khawpin khua chuan a bumrosan a, tawmhulna a zawng chung nghe nghe a.
Ruah a tla zo va, ni chu a lo la lang thei nameuh mai. A hnu lawkah chuan siam zawh hlim chiah emaw tih tur khawpa thiang leh mawiin vân chuan a rawng pângngai a rawn chhuah a, a bul hnai lawk ramngawah chuan hram thei sava chi tinrêng chu an rawn chiar lehnghâl nawk nawk a; a thlir nuam tâwk chauhvin thlifîmin chhûm a chhêm kal dêl dêl a. Thing hnah kara ruah mal la tlingte chu ni chuan a’n chhun tle ser ser a, a pawi an va sawi lo tak!!
Eng dang mah a ngaihtuah thei ta lo, khua chu a thlîr a, inrin pawh a inrin hman hmaa Siamtun a thilsiam mawi lutuk a rawn chhawp chhuah chu thuin a mawizia a sawi chhuak zo lo. A thingthi a, lawmthu a sawi a, a ‘Amen’ rual chuan hla a rawn lang nghâl zawt zawt a. ‘O Store Gud, nar jag den varld beskader’ tia bul tanin châng kua laia sei poem, sawisêl lai tur vâng êm êm mai chu a ziak chhuak ta a ni.
Kum 1925 khân Rev. E.Gustav Johnson, North Park College, Chicago, Illinois chuan saptawngin a let a, hei hi saptawnga leh hmasak ber a ni. Ani hian ‘O Mighty God, When I Behold the Wonder’ tiin a tan a. Kum 1927 khân I.S.Prokhanoff chuan Russian tawngin a let ve bawk.
Kum 1933 a lo thleng a, English missionary nupa, Rev. Kine-a te chu Ukraine rama rawngbâwla an awm laiin khawlai an lênnaah Russian tawnga an sak an ngaithla fuh hlauh mai a. An lo sakna hmun lah chu Pathian thu hria rêng rêng an awm lohna hmun, hmun tawp leh vêng kilkhawr a ni daih nghe nghe a. Mawi ti nupa hle mah se an ngaihsak zui lo.
An rawngbâwlna huang an zauh va, Sub-Carpathian Russia-a rawng an bâwl laiin, chu lai hmun tlangdung inkhawh kham nalh tak mai, Chhûra hun lai ata tawh Siamtu siam ang pângngai bâka mihring remhriatna â tak takin a la khawih danglam loh, vûr incham pût kara thing ding thelh sung mai chuan chu hla, a theihnghilh tawh emaw a tih chu Rev. Kine-a thinlungah a lo nung leh ta a. Châng hmasa pahnih chu rang êm êmin a let chhuak ta.
An nupa chuan Carpathian tlangramah chuan khaw tin fangin Chanchin Tha an tlangaupui a, chutih lai chuan châng thumna chu a dawng leh ta ni.
Kum 1939-ah Indopui a lo chhuak a, Rev. Kine-a te nupa pawh Britain lamah loh theih lohvin an kir a ngai a. Tualchhûngah pawh tha thlah mai lovin Chanchin Tha puan darh hna an thawk zêl a, Indopui a zawh hnuah a châng lina chu a dawng leh ta chauh va; chu chu Caldwell leh Shea ten an lo sa lar ta a, a lar chho ta zêl a. Mizo tawnga a awm hnuah pawh hla thiltithei a ni zui ta zêl a ni.
“Thla bial zân hi chuan current awm lo se,” tia duhthusâm duh hial khawpa thla êng lawm vânga thilsiama Pathian inpuanna hmu chiang; lirthei khu, polythene leh sarang ten a bawhbuai hma khawvêl hmu châk tlat thin ang mihring tân chuan he hla kûrpui tham a tling a ni.
Ti daih ila, Country Roads hla châng hnihna phuah a nih laia khawvêl awm dân kha hmuh ve ka châk thut zêl, engtiang takin mawi ang maw?
January 18, 2013 (Zirtawpni)
Dar 4:38 PM
Hla thlûk nei chi hi engzât mah ka la phuah ve lo pek a, mi phuah sa erawh ka phuah ni zâwk se tih eng emaw zât ka nei tawh thung. Ka phuah ni zâwk atâna ka ît tam tak zînga a chung bera awm chu ‘Aw Lal Pathian, i kutchhuak thilsiam tinrêng,’ tih hi a ni. Kei chauh lo pawh nalh titu an tam a ni ang, kum 1974 April thlaa Christian Herald chanchinbuin poll a buatsaihah pawh he hla hi America rama Pathian fakna hla tha berah an thlang tlat!
A phuahtu hi Swedish pastor, Rev. Carl Boberg-a a ni a, tuna saptawnga kan hmuh anga let chhuaktu hi Rev. Stuart H.Kine a ni tih kan hre fo bawk.
He hla hi kum 1950 chho atang khân saptawnga sak lar tan a ni a, heti taka sa lartu chu Billy Graham Evangelistic Team-a mi, George Beverly Shea (Isua neih ka duh zawk tih phuahtu) leh James Caldwell te an ni.
America rama sa lartu hmasa zâwk chu Caldwell hi a ni nghe nghe a, kum 1951 khân Long Island-ah a lo sa vang vang tawh a. A hnuah Billy Graham-a team hian nasa taka vawrh larin Shea leh Cliff Barrows ten an sa ta thin a ni.
A phuahtu, Rev. Boberg-a hi pastor a nih bâkah Sanningsvittnet chanchinbu enkawltu a ni a. Kum 1886 khân tum khat chu, a bial fanna lamah pawh a ni mai thei, Sweden chhimchhak lam vaukam a hrût kual a. Ni khat chu chhûn pachangah ruahin a chhu hrep mai a, tek a tla de chuai chuai a, ‘ni a lang leh ang’ tih rinhlelhawm hial khawpin khua chuan a bumrosan a, tawmhulna a zawng chung nghe nghe a.
Ruah a tla zo va, ni chu a lo la lang thei nameuh mai. A hnu lawkah chuan siam zawh hlim chiah emaw tih tur khawpa thiang leh mawiin vân chuan a rawng pângngai a rawn chhuah a, a bul hnai lawk ramngawah chuan hram thei sava chi tinrêng chu an rawn chiar lehnghâl nawk nawk a; a thlir nuam tâwk chauhvin thlifîmin chhûm a chhêm kal dêl dêl a. Thing hnah kara ruah mal la tlingte chu ni chuan a’n chhun tle ser ser a, a pawi an va sawi lo tak!!
Eng dang mah a ngaihtuah thei ta lo, khua chu a thlîr a, inrin pawh a inrin hman hmaa Siamtun a thilsiam mawi lutuk a rawn chhawp chhuah chu thuin a mawizia a sawi chhuak zo lo. A thingthi a, lawmthu a sawi a, a ‘Amen’ rual chuan hla a rawn lang nghâl zawt zawt a. ‘O Store Gud, nar jag den varld beskader’ tia bul tanin châng kua laia sei poem, sawisêl lai tur vâng êm êm mai chu a ziak chhuak ta a ni.
Kum 1925 khân Rev. E.Gustav Johnson, North Park College, Chicago, Illinois chuan saptawngin a let a, hei hi saptawnga leh hmasak ber a ni. Ani hian ‘O Mighty God, When I Behold the Wonder’ tiin a tan a. Kum 1927 khân I.S.Prokhanoff chuan Russian tawngin a let ve bawk.
Kum 1933 a lo thleng a, English missionary nupa, Rev. Kine-a te chu Ukraine rama rawngbâwla an awm laiin khawlai an lênnaah Russian tawnga an sak an ngaithla fuh hlauh mai a. An lo sakna hmun lah chu Pathian thu hria rêng rêng an awm lohna hmun, hmun tawp leh vêng kilkhawr a ni daih nghe nghe a. Mawi ti nupa hle mah se an ngaihsak zui lo.
An rawngbâwlna huang an zauh va, Sub-Carpathian Russia-a rawng an bâwl laiin, chu lai hmun tlangdung inkhawh kham nalh tak mai, Chhûra hun lai ata tawh Siamtu siam ang pângngai bâka mihring remhriatna â tak takin a la khawih danglam loh, vûr incham pût kara thing ding thelh sung mai chuan chu hla, a theihnghilh tawh emaw a tih chu Rev. Kine-a thinlungah a lo nung leh ta a. Châng hmasa pahnih chu rang êm êmin a let chhuak ta.
An nupa chuan Carpathian tlangramah chuan khaw tin fangin Chanchin Tha an tlangaupui a, chutih lai chuan châng thumna chu a dawng leh ta ni.
Kum 1939-ah Indopui a lo chhuak a, Rev. Kine-a te nupa pawh Britain lamah loh theih lohvin an kir a ngai a. Tualchhûngah pawh tha thlah mai lovin Chanchin Tha puan darh hna an thawk zêl a, Indopui a zawh hnuah a châng lina chu a dawng leh ta chauh va; chu chu Caldwell leh Shea ten an lo sa lar ta a, a lar chho ta zêl a. Mizo tawnga a awm hnuah pawh hla thiltithei a ni zui ta zêl a ni.
“Thla bial zân hi chuan current awm lo se,” tia duhthusâm duh hial khawpa thla êng lawm vânga thilsiama Pathian inpuanna hmu chiang; lirthei khu, polythene leh sarang ten a bawhbuai hma khawvêl hmu châk tlat thin ang mihring tân chuan he hla kûrpui tham a tling a ni.
Ti daih ila, Country Roads hla châng hnihna phuah a nih laia khawvêl awm dân kha hmuh ve ka châk thut zêl, engtiang takin mawi ang maw?
January 18, 2013 (Zirtawpni)
Dar 4:38 PM
No comments:
Post a Comment