Ka thian duh tak,
Tunah hian ka pindan banga sana ka tar chuan zîng lam a pan mek tawh a, ‘khawfîng a chah hmain a thim zual thin’ an tih hun a thlen dâwn mek laiin he thu hi i tân ka ziak a ni.
Ka thian, nun hi a ho angreng ma’ng e ti raw!! A châng chuan kan titi dun melh melh thin laia thu tesep têtê kan vawrh chhuah nelh nelh thin laite kha, tuna heti ka lo nih tâk hnu hian hlute hi ka tithar leh viau thin a; nang leh kei heti kan lo nih tâkah phei chuan, a ngaihawm zual sauhva hriat chângte ka nei thar leh thut thut thin.
I thiltihna apiang maia i hlawhchham zel thu vawiina min hrilh khân, lehkha kan zir dun thin laia a pawimawh zawk, ‘lehkha’ lam pawh ngaihtuah hman reng reng lova duhthu kan sâm thin zozaite kha, tunah hian a lo nawmzia ka hre ta chauh mai.
Duhthusâm zawng zawng a thleng dik diak diak lo a ni tihte ka’n hriat takah hian, kan hun lai kha mitthla hian a hmu lo thei thin lo. A nawmzia leh a hlutnate kha hre miah lo khân zan tin deuhthaw mai kan nih tumte kha kan han thlâk vel thin kha a nia, khawi lam thlichhia hian nge min chhem bosak zo ta hlawm ni?
Mite angin leilung luahin kan lo piang ve laklawh tawh si a, tu emaw kan nih ve hi chu a ngai a nih si hi ti raw!! Kan lei kum tamna hian tunge kan nih tumah a hrilh dâwn lo va, kan tu kan fate lahin heti ringawt kan nih hi chuan rei min sawi zui dâwn hlek lo mai. Chuvângin, ka thian, kan kum zât aia ropui, tu emaw min nihtîr theitu tur hi kan tih ve a ngai a nih hi.
Chu thil tih hun tha chu ‘tun’ zel hi a ni a, tha thlah a thiang lo va, mar pâta kan tan a tul zâwk a ni. Chumi tur chuan i hlawhchhamna hmang tangkaiin kei pawhin ka zawm theih mang loh thua fuih che ka duh a ni.
Vawiina i thu min hrilh khân tun thlengin min chiah a; vawi tam thal rum leh furpui ka lo tuar hanpui tawh chanchin atân chuan chanchin tha a ni lo êm bawk tak a ni. Mahse, ka thian, vawiin khan ka tanpuina i ngiat chuang miah lo va, awmzia a neih i rin loh vâng nge chu ka hre lo va. Khum khata kan mut ‘tlaivar’ dun thin laia i rilru ang tho i la pu tih ka hriat khân, i thianpa hi min hneh a sin.
Mi dangte thil engtik lai mahin i tâwm duh ngai lo va; tanpui nih ai chuan tanpuitu nih i tum reng a, i thei ta lo a nih pawhin a tibuaitu nih i hreh thinzia kha. Theih leh neih neih i tum a, mahni kea pen i duhna thinlung, nghing ngai lo i neih avângin nang chu ‘mi pakhat’ i la ni mawlh ang, ka tithar leh a sin.
Kei, i thianpa hian eng thu ropui mah ka pai chu i beisei hauh lo vang a, i beisei avânga i chanchin min hrilh lah i ni hek lo. Thu tam pai tur che ka neih loh karah hei chauh hi ka hrilh duh che, ‘I chantâwk leh thlen chinah lungawi ngai suh’ tih tê mai hi. “Ber kher a....?!!” i ti em ni? Ni e, a mak ber kher êm atin ni.
Tuna i chan zawng zawng leh i thlen chin i ngaihtuah pawhin lungâwina chi zawng a ni mawlh lo alawm; i chan ang chang chung khan nui hawk uarh uarh ta la chu, mite tân fiamthu man nei lo i thawh a ni lek dâwn a sin !!
I thianpa erawh hi chuan chutiang zâwng chuan ka fuih ve lo che a, nang-pui roh hian, mi hlemhlete leh mi âwkhrâwlte puhmawhin i hlawhchhamna hi i thut lungawipui mai mai ang a, hma thar lak i tum tawh lo vang tih ka hlau a ni.
I chan let tam tak changte hi a sin ding chhuak a, tuna an nih ang hi ni thin ni. Heng i mi ngaihsân zawng zawngte hian an hlawhchhamna chu an lungawipui thin em ni? Teuh lo. Anni chu hlawhchham turah an indah phal lo va, an chantâwk hi duhkhawp lovin a sâng zâwk neih leh nih châkin an tuihal a; an neih mekah lungawi lovin an chung zâwk an cho va, an bei a, an hneh leh mai thin. Nang pawh, i hlawhchhamna dinhmun kha tihtauhsanin hlawhtlinna hmuna lungawi turin ka duh che a ni.
I cho va, i buan ta sa sa bawk a, i hlawhchham zât kha han tipung teh, ‘tah chuan hlawh- ‘chham’ ni lovin ‘-tling’ tih a inphum a sin. Him piala kan neih theih thil hi chu a hlu nêp a, thlan tui nêna thawh chhuah sum hi chuan thil hlu leh tangkai a lei chhuak duh bîk ngai a nia.
Tuna i chan i chan chhanah khân ram roreltute leh tute emaw, dik chiah lova thil titu i mawhpuh ang tih ka hlau ngawt mai. Mihring kan nih a, nghâwng chunga lu nei kan nih hrim chuan, ‘kan chunga thil lo thlengte hi chu kan hlawh chhuah zêl a ni,’ kan tihdun thin kha vawiin ni thleng hian dik ka la ti a sin.
I thiltihnaah mi pamhamte an inrawlh a ni thei e; amaherawhchu, anni avânga i khâwk hlauh a nih chuan â ka ti ngawt ang che; i bânsan phah a nih lek phei chuan psychiatrist râwn tur ka hrilh nghâl ang che.
Dik taka sawi chuan anni ang, mi pamhamte avânga engmah ni lo tur hi i ni lo tawp. Eng zâta tam i kum zât chhiar pawh ni la, ‘anni vâng’ i tih chhung chuan engtikah mah mi ropui an tehna sahal an khai nikhuain an teh tling ngai lo vang che.
Mahni hlawhchhamna leh tlin lohnaa mi dang puh daih zawng, mi huaisen zia a ni lo va, a ruh no no an chhuahna thin khawvelah hian dawih âw nên chuan thang a chhuah theih der lo tih i hriat kha. Chuvângin, nangmah inhmu reng chungin i beih a ngai a, i thawh a tul a, kan tan a ngai a ni.
‘Ke chheh rem nân khua ka tlai ta,’ i ti a nih chuan, i khawhawi tizau leh hlek la, mi huai kal hmasate nun zir tha leh ang che. Ka \hian, tuna i kum zât kha ka hria a, i kum leta tam nei chung khân mite chuan par an lo chhuang tawh a, la chhuan tum mek pawh kan dam rualpui zîngah hian an la kat nawk a sin.
Tin, ka thian, i tân tiin ka ziak ta sa sa bawk a, hei hi hre tel bawk la ka ti - nang chu fapa mal, kehthei dawma dawm i ni a, sumin a lei theih thil, i awh zâwng chu i nei mai a, i kutah a tlulut mai zêl thin. Hei hian a ti-â ang che tih ka hlau a ni; i duh leh i mamawh hi i thliar hrang thiam lo fo niin ka hria. Thil kan duh nazawng hi chu kan mamawh loh lam thil a ni duh khawp a nia. Chuvângin, hemi kawngah hian fimkhur la ka duh che a ni.
I mamawh ni hauh si lo, i duhzâwng thil hi i khâwl ruih ang a, chu i thil khâwl chu i phurh zawh loh tik ni ban thlengin tho leh tur awm lo khawpa chauvin a tlukpui ang che tih ka hlauhpui che a ni. I mamawh leh i duhzâwng thlei hrang thiam tura finna nei la ka ti ngawt mai.
Le, a sei ta, Khawfing pawh a chat mek tawh a, a thim tha ta khawp mai; mahse, hei hi khawvar kan hmuh theihna tura kan kal kân theih loh, khuanu duan a nih avângin min tilunghnur reng reng lo, nakin lawkah khawvar ka hmu dawn miau si a. Nang pawh ka thian, tunah khân i tân kâwl a ên theihna turin nangmahah khawfing a chat ve mekah i hun tawn kha ngai hram la ka duh che a, khawvar i hmuh hun a thlen hnaih tawh ka beiseipui tlat che a ni.
Mita mit êk kai pawh ka hrilh ngam, thleng khata chaw thing ka barpui ngamin ka thil sawi hi i ngaihhuat ka ring lo va. Thu pein zâwm rawh ka ti lo che a, tithei turin kei ngei pawh eng ruai ka ni bîk hek lo; mahse, heng thil hi hnehna hlado i chham theihna tura rahbi rem ka thlansak vena che-ah ka ngai tlat si a ni.
Le, thianpa, ‘Tha chu tha nge nge’ an lo tih thin kha maw le, khua kan tlai hmain tang leh hlek i la, buan hma ngawt zawngin i kherh lo teh ang.
August 30, 2012 (Ningani)
1:15 AM
Tunah hian ka pindan banga sana ka tar chuan zîng lam a pan mek tawh a, ‘khawfîng a chah hmain a thim zual thin’ an tih hun a thlen dâwn mek laiin he thu hi i tân ka ziak a ni.
Ka thian, nun hi a ho angreng ma’ng e ti raw!! A châng chuan kan titi dun melh melh thin laia thu tesep têtê kan vawrh chhuah nelh nelh thin laite kha, tuna heti ka lo nih tâk hnu hian hlute hi ka tithar leh viau thin a; nang leh kei heti kan lo nih tâkah phei chuan, a ngaihawm zual sauhva hriat chângte ka nei thar leh thut thut thin.
I thiltihna apiang maia i hlawhchham zel thu vawiina min hrilh khân, lehkha kan zir dun thin laia a pawimawh zawk, ‘lehkha’ lam pawh ngaihtuah hman reng reng lova duhthu kan sâm thin zozaite kha, tunah hian a lo nawmzia ka hre ta chauh mai.
Duhthusâm zawng zawng a thleng dik diak diak lo a ni tihte ka’n hriat takah hian, kan hun lai kha mitthla hian a hmu lo thei thin lo. A nawmzia leh a hlutnate kha hre miah lo khân zan tin deuhthaw mai kan nih tumte kha kan han thlâk vel thin kha a nia, khawi lam thlichhia hian nge min chhem bosak zo ta hlawm ni?
Mite angin leilung luahin kan lo piang ve laklawh tawh si a, tu emaw kan nih ve hi chu a ngai a nih si hi ti raw!! Kan lei kum tamna hian tunge kan nih tumah a hrilh dâwn lo va, kan tu kan fate lahin heti ringawt kan nih hi chuan rei min sawi zui dâwn hlek lo mai. Chuvângin, ka thian, kan kum zât aia ropui, tu emaw min nihtîr theitu tur hi kan tih ve a ngai a nih hi.
Chu thil tih hun tha chu ‘tun’ zel hi a ni a, tha thlah a thiang lo va, mar pâta kan tan a tul zâwk a ni. Chumi tur chuan i hlawhchhamna hmang tangkaiin kei pawhin ka zawm theih mang loh thua fuih che ka duh a ni.
Vawiina i thu min hrilh khân tun thlengin min chiah a; vawi tam thal rum leh furpui ka lo tuar hanpui tawh chanchin atân chuan chanchin tha a ni lo êm bawk tak a ni. Mahse, ka thian, vawiin khan ka tanpuina i ngiat chuang miah lo va, awmzia a neih i rin loh vâng nge chu ka hre lo va. Khum khata kan mut ‘tlaivar’ dun thin laia i rilru ang tho i la pu tih ka hriat khân, i thianpa hi min hneh a sin.
Mi dangte thil engtik lai mahin i tâwm duh ngai lo va; tanpui nih ai chuan tanpuitu nih i tum reng a, i thei ta lo a nih pawhin a tibuaitu nih i hreh thinzia kha. Theih leh neih neih i tum a, mahni kea pen i duhna thinlung, nghing ngai lo i neih avângin nang chu ‘mi pakhat’ i la ni mawlh ang, ka tithar leh a sin.
Kei, i thianpa hian eng thu ropui mah ka pai chu i beisei hauh lo vang a, i beisei avânga i chanchin min hrilh lah i ni hek lo. Thu tam pai tur che ka neih loh karah hei chauh hi ka hrilh duh che, ‘I chantâwk leh thlen chinah lungawi ngai suh’ tih tê mai hi. “Ber kher a....?!!” i ti em ni? Ni e, a mak ber kher êm atin ni.
Tuna i chan zawng zawng leh i thlen chin i ngaihtuah pawhin lungâwina chi zawng a ni mawlh lo alawm; i chan ang chang chung khan nui hawk uarh uarh ta la chu, mite tân fiamthu man nei lo i thawh a ni lek dâwn a sin !!
I thianpa erawh hi chuan chutiang zâwng chuan ka fuih ve lo che a, nang-pui roh hian, mi hlemhlete leh mi âwkhrâwlte puhmawhin i hlawhchhamna hi i thut lungawipui mai mai ang a, hma thar lak i tum tawh lo vang tih ka hlau a ni.
I chan let tam tak changte hi a sin ding chhuak a, tuna an nih ang hi ni thin ni. Heng i mi ngaihsân zawng zawngte hian an hlawhchhamna chu an lungawipui thin em ni? Teuh lo. Anni chu hlawhchham turah an indah phal lo va, an chantâwk hi duhkhawp lovin a sâng zâwk neih leh nih châkin an tuihal a; an neih mekah lungawi lovin an chung zâwk an cho va, an bei a, an hneh leh mai thin. Nang pawh, i hlawhchhamna dinhmun kha tihtauhsanin hlawhtlinna hmuna lungawi turin ka duh che a ni.
I cho va, i buan ta sa sa bawk a, i hlawhchham zât kha han tipung teh, ‘tah chuan hlawh- ‘chham’ ni lovin ‘-tling’ tih a inphum a sin. Him piala kan neih theih thil hi chu a hlu nêp a, thlan tui nêna thawh chhuah sum hi chuan thil hlu leh tangkai a lei chhuak duh bîk ngai a nia.
Tuna i chan i chan chhanah khân ram roreltute leh tute emaw, dik chiah lova thil titu i mawhpuh ang tih ka hlau ngawt mai. Mihring kan nih a, nghâwng chunga lu nei kan nih hrim chuan, ‘kan chunga thil lo thlengte hi chu kan hlawh chhuah zêl a ni,’ kan tihdun thin kha vawiin ni thleng hian dik ka la ti a sin.
I thiltihnaah mi pamhamte an inrawlh a ni thei e; amaherawhchu, anni avânga i khâwk hlauh a nih chuan â ka ti ngawt ang che; i bânsan phah a nih lek phei chuan psychiatrist râwn tur ka hrilh nghâl ang che.
Dik taka sawi chuan anni ang, mi pamhamte avânga engmah ni lo tur hi i ni lo tawp. Eng zâta tam i kum zât chhiar pawh ni la, ‘anni vâng’ i tih chhung chuan engtikah mah mi ropui an tehna sahal an khai nikhuain an teh tling ngai lo vang che.
Mahni hlawhchhamna leh tlin lohnaa mi dang puh daih zawng, mi huaisen zia a ni lo va, a ruh no no an chhuahna thin khawvelah hian dawih âw nên chuan thang a chhuah theih der lo tih i hriat kha. Chuvângin, nangmah inhmu reng chungin i beih a ngai a, i thawh a tul a, kan tan a ngai a ni.
‘Ke chheh rem nân khua ka tlai ta,’ i ti a nih chuan, i khawhawi tizau leh hlek la, mi huai kal hmasate nun zir tha leh ang che. Ka \hian, tuna i kum zât kha ka hria a, i kum leta tam nei chung khân mite chuan par an lo chhuang tawh a, la chhuan tum mek pawh kan dam rualpui zîngah hian an la kat nawk a sin.
Tin, ka thian, i tân tiin ka ziak ta sa sa bawk a, hei hi hre tel bawk la ka ti - nang chu fapa mal, kehthei dawma dawm i ni a, sumin a lei theih thil, i awh zâwng chu i nei mai a, i kutah a tlulut mai zêl thin. Hei hian a ti-â ang che tih ka hlau a ni; i duh leh i mamawh hi i thliar hrang thiam lo fo niin ka hria. Thil kan duh nazawng hi chu kan mamawh loh lam thil a ni duh khawp a nia. Chuvângin, hemi kawngah hian fimkhur la ka duh che a ni.
I mamawh ni hauh si lo, i duhzâwng thil hi i khâwl ruih ang a, chu i thil khâwl chu i phurh zawh loh tik ni ban thlengin tho leh tur awm lo khawpa chauvin a tlukpui ang che tih ka hlauhpui che a ni. I mamawh leh i duhzâwng thlei hrang thiam tura finna nei la ka ti ngawt mai.
Le, a sei ta, Khawfing pawh a chat mek tawh a, a thim tha ta khawp mai; mahse, hei hi khawvar kan hmuh theihna tura kan kal kân theih loh, khuanu duan a nih avângin min tilunghnur reng reng lo, nakin lawkah khawvar ka hmu dawn miau si a. Nang pawh ka thian, tunah khân i tân kâwl a ên theihna turin nangmahah khawfing a chat ve mekah i hun tawn kha ngai hram la ka duh che a, khawvar i hmuh hun a thlen hnaih tawh ka beiseipui tlat che a ni.
Mita mit êk kai pawh ka hrilh ngam, thleng khata chaw thing ka barpui ngamin ka thil sawi hi i ngaihhuat ka ring lo va. Thu pein zâwm rawh ka ti lo che a, tithei turin kei ngei pawh eng ruai ka ni bîk hek lo; mahse, heng thil hi hnehna hlado i chham theihna tura rahbi rem ka thlansak vena che-ah ka ngai tlat si a ni.
Le, thianpa, ‘Tha chu tha nge nge’ an lo tih thin kha maw le, khua kan tlai hmain tang leh hlek i la, buan hma ngawt zawngin i kherh lo teh ang.
August 30, 2012 (Ningani)
1:15 AM
No comments:
Post a Comment