Kum 2011 Thitin thla a ni a, ni 6 zan a ni. Thim hlim atangin Civil Hospital, Aizawl-ah kan buai chûk chûk a. Tisaa phêt buai ringawt chu a ziaawm, zan kan mu a, a tûk zîngah hah zualpui a reh zui nghâl mai; tisa piah lam thlenga buai tawh chuan, tisa a chauh poh leh rilruin hahdamna a vân a, tisa a chawlh pawhin chhûng lam a chawlh ve miau loh avângin hah a dam tak tak thei chuang lo.
Zan dar 10:05 chiah a nih chuan he khawvêla kan chhûngkaw tâna mi pawimawh ber, kan chhûngkaw pa chuan lung nâ avângin min boralsan ta, he leilungah hian engtikah mah a dam lai hmêl kan hmu tawh dâwn lo, a na asin!!
Mi an tha a, thenrual tha tam takin min sûnpui a, min uipuitu leh kan tawrhna min \awmpuitu pawh kan phu lohvin kan hmu; mahse, anni min tawrhpui êm avângin kan tân kan pa khân tih theih a rawn nei tawh chuang si lo.
Dân pângngaiin kan invui liam a, mite pawhin an lo tuar tawh a, kan aia nasa tuar pawh an awm tih hre mah ila, chu chuan min hnêm chuang reng reng lo. A hlimchhâwna tuar thiam hram hram tura min titute khân min lainat nge min uipui? Nge, engmah min hriat thiampui lo zâwk tih hriat thiam har tak a ni. An mi fuihna zawng zawng chu ngun takin kan ngaithla a, kan tawrh dân a nêp phah chuang hauh si lo.
Ka pa kha ‘pa ve satliah’ tia min chhuahsaktu an awm a nih pawhin hnial ka tum hauh lo; an tân chuan ‘mi pa’ a ni miau va, ‘Ka pa’ tia an koh ve ngai miau loh avângin pa satliah zawng a ni mawlh ang; mahse, kei leh ka chhûngte erawh hi zawngin engtikah mah pa satliah tiin kan chhuah ngai kumkhua lo vang. Mite ngaihah chuan private driver lubâwk zawng a ni chiang a, hnialin tang teh mah ila a bâk \anchhan ka nei hauh lo tlat alawm!!
Ka pa kha pa tha, kawm nuam, a bula khawsak hahdam, mi fel, ngaihdamna ngah leh tu leh fate duat thin a nih thu hi sawi dâwn ila, in ngaihthlâk peih chen chen sawi tur ka hria ang; mahse, he’ng thu hi chu tu pa vuina inkhâwmah pawh kan ngaihthlâk fo a ni a, sawi chhuah ve sek pawh ka tum hranpa lo.
Mahse, sawi chhuah loh theih loh erawh ka nei. A mi enkawl dân mawlh mai kha a ni. Sawi tawh angin driver a ni a, zin reng mai a ni a, zana tlan thin bus a khalh lai phei chuan kum 10 bâwr vêl chu a tel lovin zan kan mu a, a aiawhtu ka nuin min enkawl thin. Ka pa kha hmu mang lova chawlhkar khat dâwn kan awm châng pawh a awm thin a, zînga a zin lo haw hmaa sikul ka kal tum leh tlaia zin tura a chhuah hma tum a innang fuh hlauh a nih chuan a lo haw pawhin ka hmu hman lo fo mai; mahse, pa ngainatawm ngang a ni a, a fapa ka nih avânga ka nêl chu thuhran ni se, khati khawpa inhmu tlêm si khân ka zah lo ngam ngai chuang hauh si lo.
Kan hmuh chhunah kan unauvin kan zah a, ka pa kha khawvêl thilah leh mite hmuhah chawimawi chiam thiam lo mah ila kan chhûngkaw nunah erawh nasa takin kan unau khân kan chawimawh \hin: chawimawi loh theih lohvin kan chhûngkuaa a chanvo kha a hlen tlat a ni. “In a awm tlêm tehreng nên...!!” i lo ti hman em ni? Ni e, in zawng a awm tlêm ngei a; mahse, a awm chhunah erawh a tu leh fate lakah a intizahawm thiam a, sakei hlauhva hlau ni si lovin tumahin a thusawi kan palzam ngam ngai lo.
A tawng tam lo tih kha kan thenawm khawvêngte pawhin min pawmpui a ni a, khati chung khân a nupui fanaute hnêna a vawi khat sawi tawh erawh zawm loh leh tih loh har tak a ni a, intihlauhawmin tawngkam vîn hmang miah si lovin a chhûngte chu a thuhnuaiah a dah thiam êm êm thin.
Tawng tam lo tih takah thil a sawi sek lo va, a thu min pêk erawh a zahawm si. Zîng ka mut rei pawhin min hau chiam lo va, tukthuan ei laiin, “I khawsak dân hi a dik lo. Zanah rei tak i meng a, zîngah chhawrna hun kan nei miah lo che a ni,” min tih tawh chuan a tuk leh zîng chuan thawh hma mai loh chu tih tur ka nei lo tih ka hre chiang êm êm thin.
Ka pa ziaah chuan mi hau ngai miah si lova kan tâna hlauh loh theih loh tura a awm thiamna kha ka dah sâng khawp mai. Kum 25 chuang min enkawl a, khatih chhûng zawng khân thinrim hmaisen min hmuh chu sawi loh, ka hming puma min koh pawh ka hre miah lo.
Khati kha ni mah se loh theih lohvin a thu ka awih lo thei lo va, ka nungchang dik lo a hriat chuan tha deuhvin inhmachhawnin min sawipui mai a, ka that bîk vâng ni lovin, a zahawm êm avâng zâwkin sual zui reng har ka ti lo thei lo. Kut erawh chu vawi khat min thlâk ve a, chu pawh ka thiam loh, ka sual chhuah liau liau a ni. Junior Department-a ka awm laiin tlaia Naupang Inkhâwmpui châng ka zir peih lo lutuk chu ka lêng bo lui a, tha taka min dâwp chhuah hnuah phelsêpin ka kutphahah vawi thum min vua a, chu chiah chu kut min thlâk ka hria.
Rinawmna ngaisâng mi a ni a, dâwt a sawi ngai loh ang bawkin a lakah dâwt kan sawi ngam ngai lo. “Rinawm takin awm rawh u,” tiin a tu, a fate kha min zilh sek lo va, amah khân a nunah a lantîr miau avângin han chêt khawloh zauh chu nei ve thin bawk mah ila entawn loh theih lohna chen kan nei tlat thin.
A hna chu tunlai thangtharte mit hmuhah phei chuan hna hniam a ni hial tawh mai thei a, sorkar driver pawh a ni lo lehnghâl a; mahse, ka pa khân a hna kha rinawm takin a thawk mai a, kum 2004 bâwr chho, a hrisêl loh chhohva lirthei khalh a chawlhsan thleng khân ka hriat chinah a hna a nin thu leh a pute laka a vui thu te, a chauh thu pawh vawi khat mah ka beng hriata a sawi ka hre lo va, ka farnute pawh hian a hriat ka ring bîk lo.
Hlawh tlêmtein a fate pali min châwm a, a thawh rim êm avângin engtik lai mahin mite awt ngawih ngawih tur khawpin min siam ka hre lo va; kei phei chu mipa awmchhun ka nih ve miau avângin ka duh min tihsak theih loh a neih ka hre lo va, naupan lai ata tawh thiante neih ang chu min neihsak ve thei zêl a, ka tâna a lo inpêkna ka ngaihtuah lêt leh hian, ani aia fate tâna ‘pa’ nih tlin kha an awm dâwn chuang em ni ka ti thar leh thin.
Mite chu an hausa a, awlsam takin an awh zâwng an lei thei a, keia pa erawh kha chu hna hniam thawk a ni a, a fapain a awh leisak turin zînga chhuaha tlaia hawnsak nghâl thei dinhmuna ding a ni ve lo va, rual ka awh hlauvin ka hmuh phâk loh ram daiah hah taka lirthei khalhfung vuanin kawng ralti leh hlauhawm a zawh thin a lo ni reng si!!
Ka pa kha ‘pa fel, ngainatawm’ ti chuan ka sawi ngam hauh lo va; mahse, tu pawhin an ngam êm êm tih erawh ka pha lo. Zana lirthei khalh tlaivara a tûk chhûna kan in zîm têa a mut pawhin kan inah tu pawh lo lût se thâwm an dîm chuang lo va, pa tam tak an phunna tur leh an thinrimna tur ang chi-ah pawh a dawhthei êm êm reng a.
Ka thiante tu pawhin an kawm nêl êm êm a, tlêma a hmuh khât deuh chu amah ngei pawhin an hming a lam sek thin a, ka thiante pawhin an ngaina lo thei lo. A khatih vang kha a ni ang, a damloh leh mual min liamsan hnu thlengin kan beisei phâk bâka sângin ka thiante pawhin min muan a; a damloh bawrhsâwm tak tak lai, mite tâna tenawm a nih theih lai ngei pawhin ka thiante tumahin an khawih hrehin ten hmêl an pu ngai miah lo va, a dam that laia a duhsak thinna an chhânlêtna ni-ah kan chhûngkua chuan kan ngai hmiah mai a ni.
“Lunglên chu khuareiin a hnêm ngai,” an ti a. A dik a ni tehchek a ni ang chu, khua a rei chuan a hlimchhawna kan tawrh natna chu a reh ngei mai a; mahse, dan pangngaiin a lawm em em TV-ah inkhelte kan en a, kan huan ilo hung a ngaih hun a lo thleng a, kan vawk talh thama a lo len meuh chuan, hriat chhuah loh a har kan ti a ni.
Tunah chuan a tel lovin kum khat kan lo chhiar tling ve ta reng mai, hmana kan mawi loh leh hrehawm kan tih hlauva kan tana thawktu kha a thlan cheisak a lo ngai ve ta thung a, a bak tih theih kan nei si lo, hrehawm duh tak a ni.
Engpawh ni sela, tu emaw tih dan takah, piang nawn lehin ka pa tur hi thlang dawn ila, pa tha, pa zahawm, fing leh hausa tak takte hi kal kânin ka pa tho kha ka pa atan ka thlan leh ka ring.
August 6, 2012 (Thawhtanni)
11;30 PM
Zan dar 10:05 chiah a nih chuan he khawvêla kan chhûngkaw tâna mi pawimawh ber, kan chhûngkaw pa chuan lung nâ avângin min boralsan ta, he leilungah hian engtikah mah a dam lai hmêl kan hmu tawh dâwn lo, a na asin!!
Mi an tha a, thenrual tha tam takin min sûnpui a, min uipuitu leh kan tawrhna min \awmpuitu pawh kan phu lohvin kan hmu; mahse, anni min tawrhpui êm avângin kan tân kan pa khân tih theih a rawn nei tawh chuang si lo.
Dân pângngaiin kan invui liam a, mite pawhin an lo tuar tawh a, kan aia nasa tuar pawh an awm tih hre mah ila, chu chuan min hnêm chuang reng reng lo. A hlimchhâwna tuar thiam hram hram tura min titute khân min lainat nge min uipui? Nge, engmah min hriat thiampui lo zâwk tih hriat thiam har tak a ni. An mi fuihna zawng zawng chu ngun takin kan ngaithla a, kan tawrh dân a nêp phah chuang hauh si lo.
Ka pa kha ‘pa ve satliah’ tia min chhuahsaktu an awm a nih pawhin hnial ka tum hauh lo; an tân chuan ‘mi pa’ a ni miau va, ‘Ka pa’ tia an koh ve ngai miau loh avângin pa satliah zawng a ni mawlh ang; mahse, kei leh ka chhûngte erawh hi zawngin engtikah mah pa satliah tiin kan chhuah ngai kumkhua lo vang. Mite ngaihah chuan private driver lubâwk zawng a ni chiang a, hnialin tang teh mah ila a bâk \anchhan ka nei hauh lo tlat alawm!!
Ka pa kha pa tha, kawm nuam, a bula khawsak hahdam, mi fel, ngaihdamna ngah leh tu leh fate duat thin a nih thu hi sawi dâwn ila, in ngaihthlâk peih chen chen sawi tur ka hria ang; mahse, he’ng thu hi chu tu pa vuina inkhâwmah pawh kan ngaihthlâk fo a ni a, sawi chhuah ve sek pawh ka tum hranpa lo.
Mahse, sawi chhuah loh theih loh erawh ka nei. A mi enkawl dân mawlh mai kha a ni. Sawi tawh angin driver a ni a, zin reng mai a ni a, zana tlan thin bus a khalh lai phei chuan kum 10 bâwr vêl chu a tel lovin zan kan mu a, a aiawhtu ka nuin min enkawl thin. Ka pa kha hmu mang lova chawlhkar khat dâwn kan awm châng pawh a awm thin a, zînga a zin lo haw hmaa sikul ka kal tum leh tlaia zin tura a chhuah hma tum a innang fuh hlauh a nih chuan a lo haw pawhin ka hmu hman lo fo mai; mahse, pa ngainatawm ngang a ni a, a fapa ka nih avânga ka nêl chu thuhran ni se, khati khawpa inhmu tlêm si khân ka zah lo ngam ngai chuang hauh si lo.
Kan hmuh chhunah kan unauvin kan zah a, ka pa kha khawvêl thilah leh mite hmuhah chawimawi chiam thiam lo mah ila kan chhûngkaw nunah erawh nasa takin kan unau khân kan chawimawh \hin: chawimawi loh theih lohvin kan chhûngkuaa a chanvo kha a hlen tlat a ni. “In a awm tlêm tehreng nên...!!” i lo ti hman em ni? Ni e, in zawng a awm tlêm ngei a; mahse, a awm chhunah erawh a tu leh fate lakah a intizahawm thiam a, sakei hlauhva hlau ni si lovin tumahin a thusawi kan palzam ngam ngai lo.
A tawng tam lo tih kha kan thenawm khawvêngte pawhin min pawmpui a ni a, khati chung khân a nupui fanaute hnêna a vawi khat sawi tawh erawh zawm loh leh tih loh har tak a ni a, intihlauhawmin tawngkam vîn hmang miah si lovin a chhûngte chu a thuhnuaiah a dah thiam êm êm thin.
Tawng tam lo tih takah thil a sawi sek lo va, a thu min pêk erawh a zahawm si. Zîng ka mut rei pawhin min hau chiam lo va, tukthuan ei laiin, “I khawsak dân hi a dik lo. Zanah rei tak i meng a, zîngah chhawrna hun kan nei miah lo che a ni,” min tih tawh chuan a tuk leh zîng chuan thawh hma mai loh chu tih tur ka nei lo tih ka hre chiang êm êm thin.
Ka pa ziaah chuan mi hau ngai miah si lova kan tâna hlauh loh theih loh tura a awm thiamna kha ka dah sâng khawp mai. Kum 25 chuang min enkawl a, khatih chhûng zawng khân thinrim hmaisen min hmuh chu sawi loh, ka hming puma min koh pawh ka hre miah lo.
Khati kha ni mah se loh theih lohvin a thu ka awih lo thei lo va, ka nungchang dik lo a hriat chuan tha deuhvin inhmachhawnin min sawipui mai a, ka that bîk vâng ni lovin, a zahawm êm avâng zâwkin sual zui reng har ka ti lo thei lo. Kut erawh chu vawi khat min thlâk ve a, chu pawh ka thiam loh, ka sual chhuah liau liau a ni. Junior Department-a ka awm laiin tlaia Naupang Inkhâwmpui châng ka zir peih lo lutuk chu ka lêng bo lui a, tha taka min dâwp chhuah hnuah phelsêpin ka kutphahah vawi thum min vua a, chu chiah chu kut min thlâk ka hria.
Rinawmna ngaisâng mi a ni a, dâwt a sawi ngai loh ang bawkin a lakah dâwt kan sawi ngam ngai lo. “Rinawm takin awm rawh u,” tiin a tu, a fate kha min zilh sek lo va, amah khân a nunah a lantîr miau avângin han chêt khawloh zauh chu nei ve thin bawk mah ila entawn loh theih lohna chen kan nei tlat thin.
A hna chu tunlai thangtharte mit hmuhah phei chuan hna hniam a ni hial tawh mai thei a, sorkar driver pawh a ni lo lehnghâl a; mahse, ka pa khân a hna kha rinawm takin a thawk mai a, kum 2004 bâwr chho, a hrisêl loh chhohva lirthei khalh a chawlhsan thleng khân ka hriat chinah a hna a nin thu leh a pute laka a vui thu te, a chauh thu pawh vawi khat mah ka beng hriata a sawi ka hre lo va, ka farnute pawh hian a hriat ka ring bîk lo.
Hlawh tlêmtein a fate pali min châwm a, a thawh rim êm avângin engtik lai mahin mite awt ngawih ngawih tur khawpin min siam ka hre lo va; kei phei chu mipa awmchhun ka nih ve miau avângin ka duh min tihsak theih loh a neih ka hre lo va, naupan lai ata tawh thiante neih ang chu min neihsak ve thei zêl a, ka tâna a lo inpêkna ka ngaihtuah lêt leh hian, ani aia fate tâna ‘pa’ nih tlin kha an awm dâwn chuang em ni ka ti thar leh thin.
Mite chu an hausa a, awlsam takin an awh zâwng an lei thei a, keia pa erawh kha chu hna hniam thawk a ni a, a fapain a awh leisak turin zînga chhuaha tlaia hawnsak nghâl thei dinhmuna ding a ni ve lo va, rual ka awh hlauvin ka hmuh phâk loh ram daiah hah taka lirthei khalhfung vuanin kawng ralti leh hlauhawm a zawh thin a lo ni reng si!!
Ka pa kha ‘pa fel, ngainatawm’ ti chuan ka sawi ngam hauh lo va; mahse, tu pawhin an ngam êm êm tih erawh ka pha lo. Zana lirthei khalh tlaivara a tûk chhûna kan in zîm têa a mut pawhin kan inah tu pawh lo lût se thâwm an dîm chuang lo va, pa tam tak an phunna tur leh an thinrimna tur ang chi-ah pawh a dawhthei êm êm reng a.
Ka thiante tu pawhin an kawm nêl êm êm a, tlêma a hmuh khât deuh chu amah ngei pawhin an hming a lam sek thin a, ka thiante pawhin an ngaina lo thei lo. A khatih vang kha a ni ang, a damloh leh mual min liamsan hnu thlengin kan beisei phâk bâka sângin ka thiante pawhin min muan a; a damloh bawrhsâwm tak tak lai, mite tâna tenawm a nih theih lai ngei pawhin ka thiante tumahin an khawih hrehin ten hmêl an pu ngai miah lo va, a dam that laia a duhsak thinna an chhânlêtna ni-ah kan chhûngkua chuan kan ngai hmiah mai a ni.
“Lunglên chu khuareiin a hnêm ngai,” an ti a. A dik a ni tehchek a ni ang chu, khua a rei chuan a hlimchhawna kan tawrh natna chu a reh ngei mai a; mahse, dan pangngaiin a lawm em em TV-ah inkhelte kan en a, kan huan ilo hung a ngaih hun a lo thleng a, kan vawk talh thama a lo len meuh chuan, hriat chhuah loh a har kan ti a ni.
Tunah chuan a tel lovin kum khat kan lo chhiar tling ve ta reng mai, hmana kan mawi loh leh hrehawm kan tih hlauva kan tana thawktu kha a thlan cheisak a lo ngai ve ta thung a, a bak tih theih kan nei si lo, hrehawm duh tak a ni.
Engpawh ni sela, tu emaw tih dan takah, piang nawn lehin ka pa tur hi thlang dawn ila, pa tha, pa zahawm, fing leh hausa tak takte hi kal kânin ka pa tho kha ka pa atan ka thlan leh ka ring.
August 6, 2012 (Thawhtanni)
11;30 PM
No comments:
Post a Comment