Mizote zîngah pawh thâwkkhat laia hla lâr bera chhâl ngam, ‘Ni 4 paw’n tlai se’ tih hi hre lo kan tam lo vang. Sapho chuan, ‘Four days late’ an ti a; Lal Isuan ni li lai thlâna phûm tawh, Lazara a kaihthawhna hla a ni a, mihringte tân chuan beisei a awm tawh lo; mahse, Pathian nên chuan engkim tihtheih a ni.
He hla phuahtu, Aaron Wilburn hi Alabama-a piang leh seilian a ni a, a naupan lai atanga, “Engtikah emaw chuan hla phuahtu lâr ka la ni ve ang,” ti tang tangtu a ni a. A tum ang ngeiin No. 1 kai pha hla a neih zawng zawng hi zâwt thut ila, a sawi zung zung thei tawh lo hial mai thei, chuti khawp chuan a hlawhtling a ni.
‘Song of The Year’ atâna thlan tûra chhawp chhuah (nomination) tlâk hla a ngahzia leh chawimawina a dawn tam tawhzia te, Dove Awards leh Grammy Nominations thlenga a lan phâk thu te, Alabama Music Hall of Fame, Muscle Shoals, Alabama-a a tel phâk thute hi sawi vek dâwn chuan ninawm a chang thei hial ang.
Wilburn-a hian talent a nei tha a, fiamthu thiam tak a ni bawk a. A hla phuahte hi musical style leh genre chi hrang hrang - Southern Gospel, Country Gospel, Contemporary, Black Gospel, Praise & Worship leh Inspirational & Contemporary thlengin a hâwl kim a tih theih. A hla tam ber hi Mizo rilrem zâwng an ni a, Country artist lar - The Oak Ridge Boys, Doyle Lawson, Tammy Wynette, Johnny Cash leh Lee Greenwood te hi a hla saksaktu tam pâwl an ni.
Pathian fawh fuh
‘Fahrahte Nu’ tia an sawi thin, Mother Teresa khan, “Kan damloh hi Pathian min fawhna a ni,” tiin a sawi thîn a. He thu hi a dik a nih ngai chuan kan hla sawi, ‘Ni li paw’n tlai se’ tih phuahtu hi a fawh fuh pâwla mi a ni ngei ang.
Kum 1995-a a phuah a ni a. A phuah hma kum, 1994 nipui lai khân na tak maiin a damlo va, doctor pângngai 4 bâkah specialist 3 ngawtin an vil chung pawhin that lam a pan hlei thei lo. Damdawi in awm man tam tak a ba tawh a, ni tinin a awngrawp telh telh bawk si. Zân a mu thei lo va, a nun chu a beidawng takzet a ni.
Zan khat chu a mu thei lo lehzual a, zîng dâr 3:00 vêlah thovin Pathian a pâwl a, Bible a la a, Johana 11:5-6 a chhiar thlen chuan a mamawh zawng zawng chhânna chu Isuaah a awm a ni tih hriain a beidawnna chu lâk kiansakin a awm ta a.
Amah ngeiin heti hian a sawi a, “Ka tap nghâl hawm hawm a, ka mittui ka dang sêng lo. Ka taksa leh rilru hi damin ngai ka awh leh dâwn a ni tih hi chiang takin ka hre nghâl a ni,” a ti a. “Lal Isua chuan, ‘Tidam tûr chein ka rawn pan mêk che,’ ti mai lovin, ‘Ni li lai pawhin tlai ila, a hun ka tihah chuan ka rawn thleng mai ang,’ tiin a rawn sawi a ni,” a ti a ni.
Tichuan, Wilburn-a chu hun rei tak damlovin, doctor-te pawh beidawngin amah ngei pawhin dam a thlâkhlelhna zawng zawng a bo hnuah, mihringten an tih theih zawng zawng an tih tawh hnuah, Pathianin hun a tihah damna chu Pathian atangin a chang leh ta a.
He a thil tawn avâng hian a dam hnu kum khat vêlah he hla ropui, khawvêla Kristian tam takte vêltu leh nun kawng dik zawhtîrtu hi a phuah chhuak ta a ni.
Kum 2000 chho vêlah khân Karen Peck & New Rivers Songs-in thiam takin an sa a, Southern Gospel Radio pathum - The Gospel Voice, The Singing News, US Gospel News-ah te chuan No. 1 a hauh zak zak a. He hla atang hian mi tam takin thlarau malsâwmna an dawn phah mêk zêl a ni.
He hla phuahtu, Aaron Wilburn hi Alabama-a piang leh seilian a ni a, a naupan lai atanga, “Engtikah emaw chuan hla phuahtu lâr ka la ni ve ang,” ti tang tangtu a ni a. A tum ang ngeiin No. 1 kai pha hla a neih zawng zawng hi zâwt thut ila, a sawi zung zung thei tawh lo hial mai thei, chuti khawp chuan a hlawhtling a ni.
‘Song of The Year’ atâna thlan tûra chhawp chhuah (nomination) tlâk hla a ngahzia leh chawimawina a dawn tam tawhzia te, Dove Awards leh Grammy Nominations thlenga a lan phâk thu te, Alabama Music Hall of Fame, Muscle Shoals, Alabama-a a tel phâk thute hi sawi vek dâwn chuan ninawm a chang thei hial ang.
Wilburn-a hian talent a nei tha a, fiamthu thiam tak a ni bawk a. A hla phuahte hi musical style leh genre chi hrang hrang - Southern Gospel, Country Gospel, Contemporary, Black Gospel, Praise & Worship leh Inspirational & Contemporary thlengin a hâwl kim a tih theih. A hla tam ber hi Mizo rilrem zâwng an ni a, Country artist lar - The Oak Ridge Boys, Doyle Lawson, Tammy Wynette, Johnny Cash leh Lee Greenwood te hi a hla saksaktu tam pâwl an ni.
Pathian fawh fuh
‘Fahrahte Nu’ tia an sawi thin, Mother Teresa khan, “Kan damloh hi Pathian min fawhna a ni,” tiin a sawi thîn a. He thu hi a dik a nih ngai chuan kan hla sawi, ‘Ni li paw’n tlai se’ tih phuahtu hi a fawh fuh pâwla mi a ni ngei ang.
Kum 1995-a a phuah a ni a. A phuah hma kum, 1994 nipui lai khân na tak maiin a damlo va, doctor pângngai 4 bâkah specialist 3 ngawtin an vil chung pawhin that lam a pan hlei thei lo. Damdawi in awm man tam tak a ba tawh a, ni tinin a awngrawp telh telh bawk si. Zân a mu thei lo va, a nun chu a beidawng takzet a ni.
Zan khat chu a mu thei lo lehzual a, zîng dâr 3:00 vêlah thovin Pathian a pâwl a, Bible a la a, Johana 11:5-6 a chhiar thlen chuan a mamawh zawng zawng chhânna chu Isuaah a awm a ni tih hriain a beidawnna chu lâk kiansakin a awm ta a.
Amah ngeiin heti hian a sawi a, “Ka tap nghâl hawm hawm a, ka mittui ka dang sêng lo. Ka taksa leh rilru hi damin ngai ka awh leh dâwn a ni tih hi chiang takin ka hre nghâl a ni,” a ti a. “Lal Isua chuan, ‘Tidam tûr chein ka rawn pan mêk che,’ ti mai lovin, ‘Ni li lai pawhin tlai ila, a hun ka tihah chuan ka rawn thleng mai ang,’ tiin a rawn sawi a ni,” a ti a ni.
Tichuan, Wilburn-a chu hun rei tak damlovin, doctor-te pawh beidawngin amah ngei pawhin dam a thlâkhlelhna zawng zawng a bo hnuah, mihringten an tih theih zawng zawng an tih tawh hnuah, Pathianin hun a tihah damna chu Pathian atangin a chang leh ta a.
He a thil tawn avâng hian a dam hnu kum khat vêlah he hla ropui, khawvêla Kristian tam takte vêltu leh nun kawng dik zawhtîrtu hi a phuah chhuak ta a ni.
Kum 2000 chho vêlah khân Karen Peck & New Rivers Songs-in thiam takin an sa a, Southern Gospel Radio pathum - The Gospel Voice, The Singing News, US Gospel News-ah te chuan No. 1 a hauh zak zak a. He hla atang hian mi tam takin thlarau malsâwmna an dawn phah mêk zêl a ni.
No comments:
Post a Comment