Thian thate zawng zawngin an neih zawh hnuah pawh duhthlan ber tur hre lo ni âwm takin rei fe ka'n tlangvâl bîk a. Chutah thian tha leh chhungte chang lo, kan venga min hretute zawng zawngin min manganpui hnuah keimah ang bawka mi tam takte hnâwl hnu ve bawk nen chuan engtin tin emaw ni, mite tih dânin kan insuihzawm ve ta mial kha a ni a, tlangvâl kha hahthlak tak niin ka hria, keini ang tlangvâl 'luck' tân kha chuan!! Inneih niin thiantehovin an 'chhung kimin' thla min lâkpui liam liam a, inneih ni, hun eng emaw chen ka lo nghah tawh chu kan hmang liam ve ta mai bawk a.
Rin ang ni
Kan han innei ta chawm kha a ni a, nupui han neih chu a nuam, a bîkin a tîr lam chu nuam tak a ni. Engkim mai kha keini ang, tlangvâl laia tlaw satliah tân kha chuan a thar vek kha a ni mai a. Khum laizâwl nun piah lamah pawh ka tân chuan thil thar a tam zual a, Pathianni tlaia puzawnte tlawhte kha a nuam danglam tawh tlat, sawi tur haihchham a awm ta lo; keini ang, mi zawng zawng aia tlangvâl rei chunga nula pakhat bâk tilunglêng zo lo tân pawh duh aia tawng tam mah mah awl tak a ni ta.
Rei tak nupui lo nei tawh, intitlangvâl thar leh ka thiante chu, kan hun tawnin a la zir rih bawk a, hauh an nuam duh khawp mai. Nupui hi neih fo chi niin ka han hria, thil tha hmu tia kan Bible-in a lo sawi pawh hi a dik lutuk hian ka hria a, sual thei lo an tih teh fo, Bible hi a sual lo tak tak niin ka rin phah zual a. Ka lo suangtuah ang ngeiin nupui neih hi a lo nuam a, rin ang a ni.
Ni leh lo
Mahse, rin ang a ni rei ta lo. Mite anga zan tin mu dun ta chu nu ber pawh a hma lam a lo kiar ve telh telh a, a kiar indawt chho zut a, Lersia se chi tha ang maia han neih mawlh mawlh tâkah chuan nupuite hi an lo nalh rei lo khawp mai a, pathumna a hrin hnuah phei chuan mi awmpui ni mai âwma mawi a ni chho va. Hmâna model hmuha kan hmuh thin khân Japanese Sumo wrestler chak pâwl a ang tawlh tawlh a. A bula tawlh hret hret a ninawm tan a, thiante hian engtin nge nupui ngai hi rei tak an neih theih tih mai awl tak chho tan a, an hnung zuiin nupuite thlim (khaih khaih!!) a châkawm rum rum châng a awm fo mai.
Thiante angin tlangvâl lai ata tawh duhthlang thei khawpa luck nih loh vâng chauhvin ka lerh ve lo mai mai ni ta berin ka hre mai.
Fa han hrin zawt zawt hnuah chuan nupuite nalhna chu a bo piah lamah inthlakhlelhna a bo tan ve hrim hrim bawk nen, hahthlâk tak a ni.
Eng anga khaw nuam lo hnuaiah pawh tlangvâl laia zan tin kan kal peihna, tun hnua puzawn te in lo chang taah lah chuan kan kal peih sek ta lo mai ni lovin, tul ngawih ngawih hun âwm angah pawh a chhan a tha tâwk lo riauva hriatna a awm tlat ta zel a. Tlangvâl laia thlenna tur chhan nei thei riau thin khân tlawh nachhan tur a vang tawh riau mai.
Chu tak chu kawppuite thin tirim tâwk a lo tling a, thenawmte ina kan len luh zin deuh vânga âng chiam thin khân puzawnte in tlawh khât avângin a ân a thulh phah chuang lo. Thiante leh thenawmte hriatpui êm êm si loh hian puzawnte ina lên loh vâng mai mai hian sum kan chhuah lo chauh fo va, kan inma lo chauh fo bawk, hahthlâk tak a ni.
Naupang mawlh hi
Chi tam taka thlaha lo pung tur kan nih miau avângin leh sawi tawh angin, "Kin hma hi a tha ngai e," ti ni âwm takin kan han nei zawt zawt a, duhtâwk kan ngah hnuah chuan mite angin kan kin ve ta. Nupuite nalhna erawh kan nei let leh dâwn lo kumkhua a ang ta khawp mai.
Naupangho mawlh hi, hlimna a tam rualin thenawmte zanriah ei lai thleng thlenga tihbuai phahna tham an tlin fo tâkah chuan ninawm châng a awm teuh thin, a rai duh lutuk kha a inchhîrawm hnuhnawh duh khawp mai.
Zingah, tlangvâl laia chaw thlenga nawr thawh ngai ngei ngei ziah kha zanlai a pelh awrh tih atangin nau zun leh êk vângin a khât tâwkin kan harh sek a; vartiana kan han thawh tak tak meuh hi chuan kan thawh vawi ngana vêl a ni tawh thin tlangpui.
Khua a êng a, kan buai a reh chuang lo. Thawh phat atangin hmai phih turin kan inthlem ngial a, kan inthlem kim thei ta maw tihah a lian tawh lam chu nu pawnfên uaiin zîng thingpui hmeh tur ngênin an lo eu leh ngawng ngawng hman tawh a. Nutling patling ve ta chu, tûk tin thawh fuh theih hek lo le, tihfuh loh tûkah chuan kan thâwm chu bengngawngte hriat khawpa ring a nih châng a tam mai.
Tukthuan kan kan ei te hi aw, sawi vek sen pawh a ni lo. Dawhkân chunga thu lova ei thiam lo te, chawhmeh an suah apianga a chhawpna titlu ngei ngei tâwk te, chaw ei lai leh an êk chhuah hun inrual tlat te awmkhâwm kan ni bawk a, lo lût thut tân chuan chaw kan ei nge, eng ber nge kan tih tih hriat thiam kan harsat viau tum a thleng zing ngawt mai.
Tlaiah hna ka han bâng a, nu ber chu naupang lehkha zirtîr bawk, vawk chaw leh ar chaw lo pe bawk, ei rawng lo bâwl bawk, chhun lamah in lo singsaa lo insu hrep a lo ni tawh thin bawk a, a lo âng chiam a nih pawhin kei ang pa fing leh fel hi chuan ka hre thiam thin khawp mai.
Chutiang khawpa indaih lo a nih avâng chuan a châng chuan in luh hma atangin keini ang pa remhria hi chuan haw kawngtluanin tih tur rilruin kan dap haw a, pâwna puan pho lo la seng loh a awmte hian ka tân chuan vânneihna sâng tak a nih châng a awm thin.
Zan boruak
Tlangvâl lai kha chuan zan thla êngte kha a va mawi thin tak!! Lunglên kai tho zual turin hram thei nungcha zawng zawngin an aw an han chhuah a, vanrâng chhûm kal dêl dêl kara thla zung lo langte khân tute thinlung emaw kha chu a kuai lunglêng fo thin rêng a ni. Mihring leh a thilsiamten an pawlh nut ve miah loh, thla eng hnuai ngei maia tu bulah emawa \hutte kha chu, a nawm dân chu sawi chhuah aiin tawnin a fiah zâwk ka ti.
Khatih lai khân, inrîm ngai tawh lova rûn khata lâwite kha kan thlahlel a, kan sêp a, kan titi tikaltu ber pawh a ni thin; mahse, kan han innei ta che'ng a, thla hi a êng thin a ni tih hi keini ang pa buai tân chuan a lo hriat loh theih khawp mai.
Zanriah ei kham rualin naupang lehkha zir vil pahin naupuan hem leh nâwt rovin kan bur nghâl char char a; a chângin court tenau hawn zeuh zeuh a ngai a, nu ber nen hian thuhretu leh thuremtuah kan intan chhâwk âwl lo mai. Kan TV en inchuh thâwmte chu kan thenawmte tân chuan nuihpui tlawr tlawr tham a lo ni zêl a, fiamthu thar lam tha fe fe kan hlui zan tin mai thin a ni.
Mut dâwna mutna inchuhte pawh hi a bul intan dân a fuh loh châng chuan thelh har tak a nih châng a awm fo mai. Lehkha an zir dâwn lai vel atanga lungawi lo tawh an han awm a, mut han tum lai vel taka an lungawi lohna an han hriat chhuah thar leh chiah hian, lung hi a no thar a, mutnaah hian kan buai phah fo mai.
A tê lamin ka bulah emaw, a nu bulah emaw mut a chuh hi chuan a liana te hi chu tlema an fin ve deuh tawh avângin eng tin tin emaw thlem an harsa vak lo, kan bâwl kual chiam hnuah chuan kan bul lo deuhvah kan muttîr thei mai. Mahse, hei pawh hi thil a kal fuh loh laklawh lai a nih chuan a tâwpa tap thâwm nena inthelh leh nge nge a ngai fo tho mai.
Keini chhung hi chu kan pui êm, mutna bîk pawh kan nei lo, pa ber pawh nu ber bulah ka mu thei zeuh zeuh chauh a ni ta. A nu bulah hian chawlhkar khat dâwn dâwn mut loh châng pawh ka nei tih hi zêp pawh ka tum lo. Naupangin a nu bula mut an ngen laia pa ber thlenga lo chuh kha chu a mawi lo tih pa pângngai, keini ang chuan hre tur pawh kan ni rêng a ni.
Nupa nun tak tak chu
Nupaa insiam hi tih ngei tur ni chuan a lang a; mahse, harsa hi a lo va tam êm!! Indona mualah pawh râl hlauhawm an tamna lai ber hmun ang vêl niin kei chuan ka hria.
Nu ber leh keia thawh fuh loh tûk a inrual hlauh chuan thlawi thei reng dinhmunah kan han ding ringawt pawh hi thil hahthlâk tak a nih châng a tam a. Thil sawi hun leh chêt hun thlengin hriat a ngai. Tlangvâl lai kha chuan kan ngaihzâwngte hmuha kan chêt nalh chuan a tâwk mai; tunah erawh chuan puzawnte tlawn lungâwi tura chêt that a ngaih chu thuhran ni sela, thenawmte mitmei thlengin vên a ngai tawh a.
Inneih tirh lamah phei chuan, 'an inthen leh hma âwm êm mai' tih châna min lo châng tâwkte an awm a; kan hlim zel leh zel loh lo ngaihven tâwk êm êm te an lo awm bawk nen, a hahthlâk zâwnga thlir chuan hahthlâk tak a ni.
Mahse, thil hi a harsa zâwnga thlir chuan engmah hi awlsam a awm lo va, nuam pawh a awm lo. An thlir dân a dik loh thin avângin mi tam chu an thiltihnaah an lo hlawhchham tawh thin rêng a ni; thil reng reng hi achhiat athat, anawm ahreawm hi kan thlirna zelah hian a lo innghat a ni tih hi nupui nei nun ka'n neih tâk hnuah hian ka chiang thar a ni.
Tuna ka sawi chin chauh pawh hi mi tam tak tân chuan nupui neih huphurhawm phahna tham pawh a ni ang; mahse, keini nupa chuan kan fate kan enkawl te, kan nupa ngei kan inbah fuh loh tumte pawhin a chhe zâwnga thui tak thlen tumin kan awm ngai lo. Fate enkawl phei chu a tha zâwnga chhut chuan tha tam tak luan ralna a ni ngei mai; mahse, mahni rila rah an nih miau chuan, hah inti miah lovin a pawmtlei theih tlat a ni.
Kan fatena hahna min thlen nge man tam anga min tihhlimna man hi tih zawhna hi kei chuan a chhânna chiang tak ka hria a.
Nupui nei nun neih pawh chu thil hahthlâk danglam tak a ni tihah pawh ka chiang khawp mai bawk.
Oct. 9, 2010 (Inrinni)
5:30 PM
Rin ang ni
Kan han innei ta chawm kha a ni a, nupui han neih chu a nuam, a bîkin a tîr lam chu nuam tak a ni. Engkim mai kha keini ang, tlangvâl laia tlaw satliah tân kha chuan a thar vek kha a ni mai a. Khum laizâwl nun piah lamah pawh ka tân chuan thil thar a tam zual a, Pathianni tlaia puzawnte tlawhte kha a nuam danglam tawh tlat, sawi tur haihchham a awm ta lo; keini ang, mi zawng zawng aia tlangvâl rei chunga nula pakhat bâk tilunglêng zo lo tân pawh duh aia tawng tam mah mah awl tak a ni ta.
Rei tak nupui lo nei tawh, intitlangvâl thar leh ka thiante chu, kan hun tawnin a la zir rih bawk a, hauh an nuam duh khawp mai. Nupui hi neih fo chi niin ka han hria, thil tha hmu tia kan Bible-in a lo sawi pawh hi a dik lutuk hian ka hria a, sual thei lo an tih teh fo, Bible hi a sual lo tak tak niin ka rin phah zual a. Ka lo suangtuah ang ngeiin nupui neih hi a lo nuam a, rin ang a ni.
Ni leh lo
Mahse, rin ang a ni rei ta lo. Mite anga zan tin mu dun ta chu nu ber pawh a hma lam a lo kiar ve telh telh a, a kiar indawt chho zut a, Lersia se chi tha ang maia han neih mawlh mawlh tâkah chuan nupuite hi an lo nalh rei lo khawp mai a, pathumna a hrin hnuah phei chuan mi awmpui ni mai âwma mawi a ni chho va. Hmâna model hmuha kan hmuh thin khân Japanese Sumo wrestler chak pâwl a ang tawlh tawlh a. A bula tawlh hret hret a ninawm tan a, thiante hian engtin nge nupui ngai hi rei tak an neih theih tih mai awl tak chho tan a, an hnung zuiin nupuite thlim (khaih khaih!!) a châkawm rum rum châng a awm fo mai.
Thiante angin tlangvâl lai ata tawh duhthlang thei khawpa luck nih loh vâng chauhvin ka lerh ve lo mai mai ni ta berin ka hre mai.
Fa han hrin zawt zawt hnuah chuan nupuite nalhna chu a bo piah lamah inthlakhlelhna a bo tan ve hrim hrim bawk nen, hahthlâk tak a ni.
Eng anga khaw nuam lo hnuaiah pawh tlangvâl laia zan tin kan kal peihna, tun hnua puzawn te in lo chang taah lah chuan kan kal peih sek ta lo mai ni lovin, tul ngawih ngawih hun âwm angah pawh a chhan a tha tâwk lo riauva hriatna a awm tlat ta zel a. Tlangvâl laia thlenna tur chhan nei thei riau thin khân tlawh nachhan tur a vang tawh riau mai.
Chu tak chu kawppuite thin tirim tâwk a lo tling a, thenawmte ina kan len luh zin deuh vânga âng chiam thin khân puzawnte in tlawh khât avângin a ân a thulh phah chuang lo. Thiante leh thenawmte hriatpui êm êm si loh hian puzawnte ina lên loh vâng mai mai hian sum kan chhuah lo chauh fo va, kan inma lo chauh fo bawk, hahthlâk tak a ni.
Naupang mawlh hi
Chi tam taka thlaha lo pung tur kan nih miau avângin leh sawi tawh angin, "Kin hma hi a tha ngai e," ti ni âwm takin kan han nei zawt zawt a, duhtâwk kan ngah hnuah chuan mite angin kan kin ve ta. Nupuite nalhna erawh kan nei let leh dâwn lo kumkhua a ang ta khawp mai.
Naupangho mawlh hi, hlimna a tam rualin thenawmte zanriah ei lai thleng thlenga tihbuai phahna tham an tlin fo tâkah chuan ninawm châng a awm teuh thin, a rai duh lutuk kha a inchhîrawm hnuhnawh duh khawp mai.
Zingah, tlangvâl laia chaw thlenga nawr thawh ngai ngei ngei ziah kha zanlai a pelh awrh tih atangin nau zun leh êk vângin a khât tâwkin kan harh sek a; vartiana kan han thawh tak tak meuh hi chuan kan thawh vawi ngana vêl a ni tawh thin tlangpui.
Khua a êng a, kan buai a reh chuang lo. Thawh phat atangin hmai phih turin kan inthlem ngial a, kan inthlem kim thei ta maw tihah a lian tawh lam chu nu pawnfên uaiin zîng thingpui hmeh tur ngênin an lo eu leh ngawng ngawng hman tawh a. Nutling patling ve ta chu, tûk tin thawh fuh theih hek lo le, tihfuh loh tûkah chuan kan thâwm chu bengngawngte hriat khawpa ring a nih châng a tam mai.
Tukthuan kan kan ei te hi aw, sawi vek sen pawh a ni lo. Dawhkân chunga thu lova ei thiam lo te, chawhmeh an suah apianga a chhawpna titlu ngei ngei tâwk te, chaw ei lai leh an êk chhuah hun inrual tlat te awmkhâwm kan ni bawk a, lo lût thut tân chuan chaw kan ei nge, eng ber nge kan tih tih hriat thiam kan harsat viau tum a thleng zing ngawt mai.
Tlaiah hna ka han bâng a, nu ber chu naupang lehkha zirtîr bawk, vawk chaw leh ar chaw lo pe bawk, ei rawng lo bâwl bawk, chhun lamah in lo singsaa lo insu hrep a lo ni tawh thin bawk a, a lo âng chiam a nih pawhin kei ang pa fing leh fel hi chuan ka hre thiam thin khawp mai.
Chutiang khawpa indaih lo a nih avâng chuan a châng chuan in luh hma atangin keini ang pa remhria hi chuan haw kawngtluanin tih tur rilruin kan dap haw a, pâwna puan pho lo la seng loh a awmte hian ka tân chuan vânneihna sâng tak a nih châng a awm thin.
Zan boruak
Tlangvâl lai kha chuan zan thla êngte kha a va mawi thin tak!! Lunglên kai tho zual turin hram thei nungcha zawng zawngin an aw an han chhuah a, vanrâng chhûm kal dêl dêl kara thla zung lo langte khân tute thinlung emaw kha chu a kuai lunglêng fo thin rêng a ni. Mihring leh a thilsiamten an pawlh nut ve miah loh, thla eng hnuai ngei maia tu bulah emawa \hutte kha chu, a nawm dân chu sawi chhuah aiin tawnin a fiah zâwk ka ti.
Khatih lai khân, inrîm ngai tawh lova rûn khata lâwite kha kan thlahlel a, kan sêp a, kan titi tikaltu ber pawh a ni thin; mahse, kan han innei ta che'ng a, thla hi a êng thin a ni tih hi keini ang pa buai tân chuan a lo hriat loh theih khawp mai.
Zanriah ei kham rualin naupang lehkha zir vil pahin naupuan hem leh nâwt rovin kan bur nghâl char char a; a chângin court tenau hawn zeuh zeuh a ngai a, nu ber nen hian thuhretu leh thuremtuah kan intan chhâwk âwl lo mai. Kan TV en inchuh thâwmte chu kan thenawmte tân chuan nuihpui tlawr tlawr tham a lo ni zêl a, fiamthu thar lam tha fe fe kan hlui zan tin mai thin a ni.
Mut dâwna mutna inchuhte pawh hi a bul intan dân a fuh loh châng chuan thelh har tak a nih châng a awm fo mai. Lehkha an zir dâwn lai vel atanga lungawi lo tawh an han awm a, mut han tum lai vel taka an lungawi lohna an han hriat chhuah thar leh chiah hian, lung hi a no thar a, mutnaah hian kan buai phah fo mai.
A tê lamin ka bulah emaw, a nu bulah emaw mut a chuh hi chuan a liana te hi chu tlema an fin ve deuh tawh avângin eng tin tin emaw thlem an harsa vak lo, kan bâwl kual chiam hnuah chuan kan bul lo deuhvah kan muttîr thei mai. Mahse, hei pawh hi thil a kal fuh loh laklawh lai a nih chuan a tâwpa tap thâwm nena inthelh leh nge nge a ngai fo tho mai.
Keini chhung hi chu kan pui êm, mutna bîk pawh kan nei lo, pa ber pawh nu ber bulah ka mu thei zeuh zeuh chauh a ni ta. A nu bulah hian chawlhkar khat dâwn dâwn mut loh châng pawh ka nei tih hi zêp pawh ka tum lo. Naupangin a nu bula mut an ngen laia pa ber thlenga lo chuh kha chu a mawi lo tih pa pângngai, keini ang chuan hre tur pawh kan ni rêng a ni.
Nupa nun tak tak chu
Nupaa insiam hi tih ngei tur ni chuan a lang a; mahse, harsa hi a lo va tam êm!! Indona mualah pawh râl hlauhawm an tamna lai ber hmun ang vêl niin kei chuan ka hria.
Nu ber leh keia thawh fuh loh tûk a inrual hlauh chuan thlawi thei reng dinhmunah kan han ding ringawt pawh hi thil hahthlâk tak a nih châng a tam a. Thil sawi hun leh chêt hun thlengin hriat a ngai. Tlangvâl lai kha chuan kan ngaihzâwngte hmuha kan chêt nalh chuan a tâwk mai; tunah erawh chuan puzawnte tlawn lungâwi tura chêt that a ngaih chu thuhran ni sela, thenawmte mitmei thlengin vên a ngai tawh a.
Inneih tirh lamah phei chuan, 'an inthen leh hma âwm êm mai' tih châna min lo châng tâwkte an awm a; kan hlim zel leh zel loh lo ngaihven tâwk êm êm te an lo awm bawk nen, a hahthlâk zâwnga thlir chuan hahthlâk tak a ni.
Mahse, thil hi a harsa zâwnga thlir chuan engmah hi awlsam a awm lo va, nuam pawh a awm lo. An thlir dân a dik loh thin avângin mi tam chu an thiltihnaah an lo hlawhchham tawh thin rêng a ni; thil reng reng hi achhiat athat, anawm ahreawm hi kan thlirna zelah hian a lo innghat a ni tih hi nupui nei nun ka'n neih tâk hnuah hian ka chiang thar a ni.
Tuna ka sawi chin chauh pawh hi mi tam tak tân chuan nupui neih huphurhawm phahna tham pawh a ni ang; mahse, keini nupa chuan kan fate kan enkawl te, kan nupa ngei kan inbah fuh loh tumte pawhin a chhe zâwnga thui tak thlen tumin kan awm ngai lo. Fate enkawl phei chu a tha zâwnga chhut chuan tha tam tak luan ralna a ni ngei mai; mahse, mahni rila rah an nih miau chuan, hah inti miah lovin a pawmtlei theih tlat a ni.
Kan fatena hahna min thlen nge man tam anga min tihhlimna man hi tih zawhna hi kei chuan a chhânna chiang tak ka hria a.
Nupui nei nun neih pawh chu thil hahthlâk danglam tak a ni tihah pawh ka chiang khawp mai bawk.
Oct. 9, 2010 (Inrinni)
5:30 PM
No comments:
Post a Comment